मी पणा सोडा सर्वांना जोडा.....

*मी पणा सोडा व सर्वांना जोडा*

कवी:- महारू पंडित शिवदे

अहंकार या शब्दाचा मी पणा
किती जवळ घेऊन बसतोस रे
किती स्वतःचीच स्वतःच्या हाताने पुजा करुन घेतोस रे
दिस संपला की रात येते रात संपली की परत दिस
वारा येतो वादळाचा मारा घेऊन तो ही संपून जातो रे
तूझा अहंकार संपणार आहे का
तुझी कडक इस्त्री, तुझी कडक शायनिंग, तुझी कडक भाषा, तुझी कडक राहणी कधी संपणार आहे का रे
तुझी तूच चालवली आहेस स्वतःच्या हाताने स्वतःची निंदा
समाजाच्या जीवावर तू आहेस रे मिंदा
सोड आता तूझा अहंकारी मी पणा
अध्यक्ष म्हणून तू मिरवतोस
कधी तरी कार्यकर्ता म्हणून वाग रे
कार्यकर्त्याच जिन कधी तरी जग रे
तुला तुझीच लाज वाटेल किती झटतो रे
तो मी पणा सोडून समाजासाठी समाजाच्या, एकतेसाठी, हक्कासाठी, समाजाच्याहितासाठी रे
एकदा तरी त्याचा विचार कर त्याची नाही रे कडक इस्त्री, त्याची नाही रे कडक शायनिंग, त्याची नाही रे कडक भाषा, त्याची नाही रे कडक राहणी, वेळ आली तर सतरंजी सुद्धा उचलण्याची तयारी ठेवतो तो रे
त्याच्याकडून तू थोड काही तरी शिक रे
तुझ्या अहंकारी पणाचा मी पणा बाजुला ठेव रे,
दुसर्याचा छळ करून तू सुखी होणार नाही रे....
पॅकेज कितीही मोठं असू दे जगण्यात मजा राहणार नाही रे.....
थोडा समाजासाठी झट रे
स्वतःचाच भरू नकोस खिसा रे.

🙏🏻🙏🏻🙏🏻🙏🏻🙏🏻
*महारू शिवदे*
प्रदेश कार्याध्यक्ष
भोई समाज युवा मंच महाराष्ट्र

🙏🙏🙏🙏🙏🙏🙏🙏🙏